Purwakanthi

Purwakanthi yaiku gandhenge swara (vokal) utawa sastra (konsonan) utawa wanda (suku kata) sing manggon ing mburi karo sing wis kasebut ing ngarep. Purwakanthi kaperang dadi 3, yaiku:

a. Purwakanthi Guru Swara

Yaiku gandhenge swara (vokal) sing manggon ing mburi karo sing wis kasebuting ngarep.

Tuladha:
1) Kudu jujur, kareben luhur.
2) Pinter keblinger, busuk ketekuk.
3) Jarene pingin maju, kok ora gelem sinau.
4) Negara mawa tata, desa mawa cara.
5) Bocah bodho longa-longo kaya kebo.
6) Ana dina, ana sega.

b. Purwakanthi Guru Sastra

Yaiku gandhenge sastra (konsonan) sing manggon ing mburi karo sing wis kasebut ing ngarep.

Tuladha:

1) Sapa sing goroh bakal growah.
2) Polatane ruruh, tanduke sarwa rereh, ririh angarah-arah.
3) Sluman, slumun, slamet.
4) Tata, tit, tatas, titis.
5) Mingkar, mingkur, mungkur.

c. Purwakanthi Guru Gatra

Yaiku purwakanthi kang awewaton rujuking wanda pungkasan gatra ngarep karo wanda wiwitan gatra sing mburi.

Tuladha:
1) Kolik priya, priyagung anjani putra.
2) Angajia tata krama, ngajia basa kang becik.
3) Tepi wastra, wastra kang tumrap mustaka.
4) Bayem arda, ardane ngrasuk busana.