AYU
Dening: S. Har Putujaya
Yen mripat bening abyor liyep ngalindri
Yen pipi dhekik bareng lan esem ngujiwati
Dhuh lae gendhuk iku bias dadi thukuling brangti
Kuwawa nenangi ati kang lagi sonya ruri
Yen rembulane kuning
Bareng lan gilar-gilaring mripatmu kang bening
Esemmu saya cedhak mbalang liring
Nenangi aluming jiwa kang saya aking
Dhuh lae sukenya kang abyor manebar brangta
Dhuh lae kaya supraba kang mangarcapada
Nggugah arjuna kang lagi mratapa nutup babahan hawa sanga
Kuwawa tangi kontab ing abyoring tresna
Kentir ing aluning asmara turidha
Dhuh lae sukenya kang abyor pindha sesotya
Aja mung pamer ulesing kulit
Abyoring bening mata
Apadene nlisriting kentol kuning ken dhedhes kadya
Iku mung pepaes dhuh sukenya
Upadinen bareng
Ayu ing rupa
Lan ayu ing budi
Awit ayu ing rupa bakal dadi utama
Lamun bareng ayu ing budi
Upadinen dhuh sukenya
Comments
Post a Comment